Laburpena

Nafarroako Foru Erkidegoak politika publikoen ebaluazioaren aldeko apustu sendoa egin du. Ijito Biztanleria Garatzeko Estrategiaren kasu zehatzean jasotzen denez, estrategia indarrean egongo den lehen urtean, 2020an, tarteko ebaluazio zabalagoa egingo da Estrategiaren eragina ezagutzeko. Horrenbestez, txosten hau Ijito Estrategiaren bitarteko jarraipen- eta ebaluazio-prozesu baten emaitza da. Estrategia hori Gizarte Errealitatearen Behatokiak gauzatu du, Eguía-Careaga Fundazioaren laguntzarekin.

Jarraipen- eta ebaluazio-prozesu honek lortu nahi izan dituen helburu espezifikoenak honako hauek dira: lehenik eta behin, Ijito Estrategiaren ebaluagarritasuna aztertzea, ebaluatzeko baldintza egokienak betetzen diren balioesteko; Planean jasotako jardueren betetze-mailari eta haren eraginari buruzko hurbilketa bat egitea; Estrategiaren garapenari buruz funtsezko eragileek duten iritzia ezagutzea; dauden mugak identifikatzea, eta, ondoren, zenbait gomendio egitea, etorkizunean Ijito Estrategiaren esparruan egingo diren jarduerak birbideratzeko.