Laburpena

Agiri honetan, 2014ko urriaren 29tik 30erako gauean EAEko hamar udalerritan bizitegi-bazterketa larrian daudenei aldi berean egindako zenbaketako emaitzak a zalduko dira, eta 2012an Donostia, Bilbo eta Vitoria-Gasteiz hirietan egindakoaren jarraipena izan da. Bietan, gero eta sarriagotan inguruko hirietan egindako gaueko errolda-zenbaketen metodologia erabili da. Zenbaketa horiek etxerik gabe bizi direnak edo etxerik gabekoentzako aterpetxeetan edo beste bizitoki batzuetan aldi baterako bizi direnak dauzkate helburu, eta laurogeiko hamarkadatik egiten dira munduko hiri handi askotan. Balio handi-handiko metodologia dira, une eta leku jakin batean horrelako egoe ran zenbat jende dagoen eta nolako ezaugarriak dituzten jakiteko. Azterlan hau burutzeko gaueko bi zenbaketa egin ziren, bat kalean eta bestea etxegabekoentzako bizitokiak dituzten baliabideetan, gune geografiko desberdinetan.