Aurkezpena

80ko hamarraldiaren erdialdean, pobretasunak Euskadin zuen eraginari buruzko ikerketa bat abiarazi zuen Eusko Jaurlaritzak. Ikerketak garrantzi handiko ondorioak izan zituen zenbait alderdi-tan. Ikuspuntu metodologikotik begiratuta, lan-ildo jakin bat eta metodologia espezifiko bat ezarri zituen, pobreziari buruzko azterketak egiteko orduan. Izan ere, handik aurrera, aldian-aldian egin da ikerketa (1996tik aurrera, lau urtez behin). Ikuspuntu politikotik begiratuta, pobretasunaren kontrako diru-laguntza sorta bat ezartzeko erabaki politikoa hartzen lagundu zuen, eta laguntza horrek gizarteratzeko gutxieneko errenta-sistema ekarriko zuen gero, Oinarrizko Errentaren inguruan antolatua.

Aurten hogeita bost urte betetzen dira egungo Pobretasunaren eta Gizarte Desberdintasunen Inkestarako oinarriak ezarri zituzten lehen lan haiek egin zirenetik, eta Eusko Jaurlaritzaren Enplegu, Justizia eta Gizarte Segurantza Sailak merezi duen bezala ospatu nahi du urteurren hori Donostiako Kursaal Jauregian Jardunaldi batzuk antolatuz. Jardunaldiak bi ekitalditan egituratuko dira: batetik, ekitaldi instituzional bat izango da ostegun arratsaldean, eta, bestetik, ekitaldi tekniko bat, ostiral goizean. Gaur egun eta azken 25 urteotan zehar pobretasunaren inguruko ikerketen eta gizarte esku-hartzearen inguruan lan egin duten pertsona guztiak gonbidatuta daude saio horietan parte hartzera.

Jardunaldi hauek hiru helburu nagusi dituzte:

• 2008ko PGDIren datuak eta urteurren hori dela eta egindako txosten berezia aurkeztea. Pobretasunak eta prekarietateak bi hamarraldi baino gehiagotan zehar EAEn izandako bilaka-era aztertzen da txosten horretan.
• Ikuspegi metodologikotik begiratuta PGDIk pobretasunaren neurketari egin dizkion ekarpenak eztabaidatzea, gaian adi-tuak direnekin batera.
• Gaur egun eta azken 25 urteotan zehar pobretasunari bu-ruzko ikerketan eta pobretasunaren aurkako gizarte ekintzan lan egin duten pertsona guztiak biltzea.